D’n Dictionair vaan de Mestreechter Taol, ‘n online vertaolwoordebook Nederlands-Mechtreechs en Mestreechs-Nederlands.

Netuurlek bevat deen Dictionair väöl woordesjat, meh grammatica (vervoginge, verbuiginge, enz.), spelling, fonologie, spreekwäörd en gezègkdes, e woord vaan d’n daag, etymologie, ‘t verhaol vaan ‘t Mestreechs, enz. kriege ouch hun plaots op de site.

D’n Dictionair woort samegestèld door Roger Weijenberg vaan de Radboud Universiteit (Nijmege). De mobiele apps woorte oontwikkeld door Ivengi (Mestreech).

D’n Dictionair is verkriegbaar es app veur iOS en Android. Oontwikkeleer Ivengi zeet in dit projek väöl expertise te höbbe kinne touwpasse: groete hoeväölhede data doorzeuke, binne milliseconde de zjuste match make, alles presentere in ‘n sjoen vörmgeving op versjèllende sjerm en apparate. Daankzij ‘t op maot gemaakde beheersysteem kin de redactie vaan ‘t woordebook op zier einvoudege wijs wäörd touwvoge en correcties doorveure.

Mestreechtertaol.nl <http://Mestreechtertaol.nl>  bevat oongeveer 25.000 trefwäörd, 65.000 rijmwäörd en 1500 spreekwäörd.

Mestreechtertaol.nl <http://Mestreechtertaol.nl>  wón in 2015 de LIA in de cattegorie “Bèste website in de taolsector 2014”.